Rusiya Federasiyası Ukraynadakı müharibəyə gündə 400 milyon dollar sərf edir. Ən bahalısı raketlər və mərmilərdir, ən ucuzu əsgərlərin əmək haqqıdır.
Bu barədə «Forbes» yazır.
Ordunun xərcləri
Orta hesabla müharibədə iştirak edən bir əsgərə gündə 200 dollar sərf edilir. Rusiya hərbçilərinin təxmini sayı 100 min nəfərdir. Başqa sözlə, ordunun bir sutkadakı xərcləri bir gündə 20 milyon dollar təşkil edir.
Yaralılara və öldürülmüşlərə görə kompensasiyaya Rusiyanın hərbi büdcəsi bir gündə 50 milyon dollara yaxın vəsait məsrəf edir.
Raketlər və mərmilər
Rusiya mərmilərə və raketlərə əhəmiyyətli dərəcədə çox xərcləyir. Rusiya ordusu bir sutkada 50 minə yaxın (1000 dollara yaxın) mərmidən istifadə edir.
Rusiya işğalçıları sutkada Ukraynaya təxminən 20 raket buraxır. Onların qiyməti bir neçə min dollardan («Toçka-U», X-59) 10 milyon dollara qədər və daha yüksək (X-101, X-47 «Xəncər») dəyişir. Amma hər şeydən çox ruslar «İskəndər» raketlərindən istifadə edirlər, onların hər biri 3 milyon dollardır. «Kalibr» 6,5 milyon dollar və daha ucuz sovet raketləri (X-22 və X-55) isə1-2 milyon dollar qiymətindədir.
Bir raketin orta qiyməti 3 milyona yaxındır.
Texnika itkisi
Texnika arasında ən çox itkini tanklar və aviasiya verir. Bir gündə Rusiya müharibədə orta hesabla 60 milyonluq aviasiya itirir, tankların və zirehli maşınların itkisi isə 40 milyon dollar təşkil edir.
USQ-nin ən bahalı nailiyyəti batırılmış «Moskva» kreyseridir (750 milyon dollar qiymətində). Ümumilikdə, Ukrayna bu müharibədə Rusiyanın 1 milyard dollar qiymətində donanmasını batırıb.
Dolayı itkilər
Rusiya həm də əhəmiyyətli dolayı itkilər verir: işğal olunmuş administrasiyaların maliyyələşdirilməsi, Rosqvardiyaya əlavə ödənişlər – işğal olunmuş ərazilərdə fəaliyyətə görə muzdluların maliyyələşdirilməsi – onların arasında «Vaqner» də var. Xərcləri müharibə üçün dəstəkləyən arxa cəbhə işləməlidir və logistikanı və texnikanın cəbhəyə çatdırılmasını təmin etməli, onun bərpasını və saxlancdan çıxarılmasını, ehtiyat qüvvələrin istirahətini, yaralıların müalicəsini təşkil etməlidir.
Arxanın dəstəklənməsi üçün təxmini xərclər bir gündə 50-100 milyon dollar təşkil edir. Toplam olaraq, Rusiya hər gün müharibədə təbii qazın Avropa İttifaqına ixracının ekvivalenti qədər vəsait məsrəf edir. Bu xərclərin bir hissəsi gələcək dövrlərə keçirilə bilər…
Uzunmüddətli perspektivdə Rusiya müharibəyə görə İkinci Dünya Müharibəsindən sonra ən yüksək qiymət ödəyə bilər. Hələlik isə Rusiya Federasiyanının büdcəsi çatır ki, bu birbaşa xərcləri bağlasın, amma Rusiya çətin ki, müharibənin qiymətini və onun iqtisadi nəticələrini aşağı sala bilsin.
