Rusiyanın Çaplino stansiyasına (Dnepropetrovsk vilayəti) bu yaxınlardakı raket zərbəsi onlarla dinc sakinin həyatına son qoyub və hərbi cinayət sayıla bilər.
Bu barədə sorğu edilmiş ekspertlərə istinadla «Associated Press» nəşri yazır.
Faciənin baş verdiyi yerdə nəşrin jurnalisti Ukrayna hərbçilərinin iştirakının görünən heç bir təzahürünə rast gəlməyib, amma bundan əvvəl Rusiya Müdafiə Nazirliyi belə bəyanatla çıxış etmişdi.
Ekspertlərin sözlərinə görə, əgər hücumun hədəfi dinc sakinlər olursa, bu, hərbi cinayətdir.
«Adətən, dəmir yol vağzalı mülki obyekt hesab olunur və hücum obyekti ola bilməz» – Nyu-York universitetinin qlobal münasibətlər Mərkəzinin professoru Cenifer Trexan şərh edir.
KİV-in məlumatına görə, Ukraynadakı tammiqyaslı müharibə zamanı müstəqil olaraq, mülki infrastruktura 40-dan artıq hücumun olduğu təsdiqlənib və onları hərbi cinayət saymaq olar. Onlardan üçü dəmir yol infrastrukturu ilə bağlıdır, yeddisi isə avtobus dayanacaqları ilə. Nəticədə, 100-dən artıq dinc sakin həlak olub.
