14 sentyabr Vətən Müharibəsi Şəhidləri İman və Bəhram Məmmədzadə qardaşlarının xatirəsinə (Şəhid İnam Məmmədzadənin Doğum Günü münasibəti ilə) ataları Elman Məmmədzadənin təşəbbüsü ilə Bakınnın Bilgəh qəsəbəsində yerləşən Ahıl Şəxslər Üçün Sosial Xidmətlər Müəssisəsində ehsan süfrəsi təşkil olundu.
Tədbirdə Səlyan rayonundan Millət Vəkili seçilmiş Jalə Əhmədova, Sosial Xidmətlər Agentliyinin idarə heyəti sədrinin müavini Faiq Ağayev, “Vətən Mühafizə” xidmətinin idarə heyətinin rəis müavini Fuad Əliyev, müəssisənin rəhbəri Samirə Mehtiyeva, tanınmış bəstəkar Ruslan Səfərli və media nümayəndələri iştirak etdilər.
Elman ata və Hicran ana övladları haqda qürurla danışdıəar.
Qeyd edim ki, Şəhid İnam Məmmədzadə 1998-ci il 14 sentyabrda, qardaşı Bəhram Məmmədzadə isə 2000-ci il aprel ayıın 18-də Lerik rayonunda dünyaya göz açıblar.
2020-ci il Ali Baş Komandan İlham Əliyevin əmri ilə başladılan əks-hücum əməliyyatları zamanı oktyabrın 27-də Qırmızı Bazar ətrafında gedən gərgin döyüşlərdə Şəhid olublar. Hər iki qardaş Azərbaycan Respublikasının Prezidenti İlham Əliyevin müvafiq sərəncamları ilə “Vətən uğrunda”, “Xocavəndin azad olunmasına görə”, “Cəbrayılın azad olunmasına görə” və “Füzulinin azad olunmasına görə” medalları ilə təltif edilib.
Allah bütün Şəhidlərimizə rəhmət eləsin. Amin!
Seyid Hüseyn Qədiroğlu /Xeberlenti.com
