Moldovada rus dilində yayımlanan bir sıra televiziya kanallarının lisenziyası dondurulub.
Bu barədə ölkənin Teleradio Şurası məlumat yayıb.
Rus dilində verilişlər hazırlayan kanalların ölkənin milli maraqlarına zərbə vurduğu bildirilib. Eyni zamanda, Ukraynada gedən müharibə zamanı sözügedən TV-lərin yanlış məlumatlar yaydığı, həqiqətləri təhrif etdiyi vurğulanıb.
Moldova Prezidenti Maya Sandu Teleradio Şurasının qərarını alqışlayıb. O bildirib ki, ləğv olunan kanallar öz yalan informasiyaları ilə ölkədə xaotik durum yaratmağa çalışıb.
Məsələyə Kremldən də münasibət özünü çox gözlətməyib.
Rusiya XİN sözçüsü Mariya Zaxarova hadisəni Moldovadakı milyonlarla rusdilli tamaşaçının haqlarının əlindən alınması kimi qiymətləndirib.
Onu da bildirək ki, lisenziyası dayandırılan kanallar arasında “First in Moldova”, “RTR Moldova”, “Accent TV”, “NTV Moldova”, “TV6” və “Orhei TV” də var.
Turan
