“Polşa NATO-nun üzvüdür. Buna görə də real təhlükə yaranarsa, ABŞ bu ölkə ərazisinin hər qarışını müdafiə edəcək”.
Bu barədə ABŞ Dövlət Departamentinin spikeri Metyu Miller videobrifinq zamanı bildirib.
“Polşa ilə müttəfiqliyimiz güclüdür. Polşa NATO-nun üzvüdür və lazım gələrsə, NATO ərazisinin hər qarışını müdafiə edəcəyik”, – deyə Miller qeyd edib.
Xatırladaq ki, daha əvvəl Belarus Prezidenti Aleksandr Lukaşenko Rusiya Prezidenti Vladimir Putinə şikayət edib və “Vaqner” özəl hərbi şirkətinin muzdluları ilə bağlı narahatlıq keçirdiyini bildirib. Onun sözlərinə görə, muzdlular “Qərbə doğru” istiqamətlənmək, Varşava və Jeşuva ekskursiyaya getmək istəyirlər.
