Rusiya sülhməramlı qüvvələri Gorus-Xankəndi yolu ilə növbəti humanitar yardımı çatdırıb.
Bu barədə “Sputnik Armenia” məlumat yayıb.
Məlumata əsasən, ümumi çəkisi 150 tona yaxın olan humanitar yardım çərçivəsində un, yağ, maya, uşaq qidaları və digər məhsullar çatdırılıb.
Xatırladaq ki, bundan əvvəl Azərbaycanın Qarabağ bölgəsinə, Laçın yolundan istifadə etməklə, Beynəlxalq Qızıl Xaç Komitəsinin (BQXK) vasitəsilə 65 ton un və çörək bişirmək üçün zəruri məhsullar çatdırılıb.
