Britaniyanın hakim Mühafizəkarlar Partiyasından olan deputatı İsrail-Qəzza müharibəsində atəşkəs çağırışından sonra nazir köməkçisi vəzifəsindən qovulub.
Dövlət katibinin elm, innovasiya və texnologiya üzrə köməkçisi Pol Bristou keçən həftə baş nazir Rishi Sunaka məktub yazaraq, onu münaqişə ilə bağlı mövqeyini dəyişməyə və hərbi əməliyyatlara “daimi” son qoymağa çağırıb.
Britaniya hökuməti “humanitar fasilələri” dəstəklədiyini, lakin atəşkəsi dəstəkləmədiyini deyir.
Məktubunda Bristou bildirib ki, tam atəşkəs insanların həyatını xilas edəcək və humanitar yardımın “ən çox ehtiyacı olan insanlara çatmasına” imkan verəcək.
Bazar ertəsi verdiyi açıqlamada, Downing Street sözçüsü Bristou-nun vəzifəsindən uzaqlaşdırılması qərarının “kollektiv məsuliyyət prinsiplərinə uyğun gəlməyən” şərhlərə cavab olaraq gəldiyini söylədi.
Peterborough-u parlamentdə təmsil edən və Britaniya Müsəlmanları üzrə bütövlükdə parlament qrupunun həmsədri olan Bristou Sunakın qərarını anladığını bildirib.
“Mən zövq aldığım işi təəssüflə tərk edirəm. Amma mən indi bir çox seçicilərimin maraqlandığı bir məsələ haqqında açıq danışa bilərəm”, o BBC-yə deyib.
Mənbə;Al-Jazeera
