Bu gün Özbəkistanda qadın və kişilərin səlahiyyət və hüquqlarının bərabər təminatı üçün addımlar atılır, islahatlar aparılır.
Bunu “Qadınlar: Parlaq gələcəyə aparan yol” mövzusunda panel müzakirəsində Özbəkistan Baş nazirinin müavini, Ailə Qadın Komitəsinin sədri Züleyxa Məhəmova çıxışında deyib.
O bildirib ki, ölkədə millət vəkillərinin 33 faizi, siyasi partiya üzvlərinin 46 faizi qadınlardır: “İctimai-siyasi həyatda, ciddi qərarların qəbulunda qadınların rolu danılmazdır. Biznes sektorunda qərarvermə prosesində qadınların rolu artır”.
O, ölkədə müxtəlif yüksək vəzifələrdə qadınların çalışdığını qeyd edərək buna nümunələr çəkib.
Baş nazirin müavini bildirib ki, ötən illərlə müqayisədə bu rəqəmlər artıb.
O deyib ki, qadınların müxtəlif sahələrə idarəçilik postlarında çalışması üçün hökumət müxtəlif layihələr həyata keçirir.
“Müxtəlif nazirliklərdə, dövlət agentliklərində qadınlar yüksək vəzifələrdə çalışır. Xoşbəxt qadın xoşbəxt cəmiyyət deməkdir və bizlər bu istiqamətdə çalışmalıyıq”, – sədr deyib.
Uqandanın əmək və sosial inkişaf naziri Betti Amongi Ongom çıxışında bildirib ki, parlaq gələcək üçün qadınların rolundan danışırıqsa, qadınların statusunu və hüquqlarını tanımalıyıq.
Uqandalı nazir qadın və kişilərin bərabər hüquqlarının təşviqi üçün beynəlxalq təşkilatların qəbul etdiyi sənədlər barədə məlumat verib. O, qadın haqları aktivistlərinin gördükləri işlərin vacibliyini qeyd edərək bunun cəmiyyəti ilhamlandırdığını deyib.
“Biz əlimizdə olan imkan və gücdən qadınların hüquqları, gender bərabərliyinin təşviqi, onlara bərabər imkanların təminatı üçünü istifadə etməliyik. Qadınların təməl hüquqlarının təminatı üçün dövlət institutları bizə dəstək verməlidir. Qadınlar parlaq gələcəyə aparan qüvvədir, biz qadınların, qızların hüquqlarını, təhsilə çıxışlarını təmin etməliyik, onların iqtisadi azadlığı uğrunda çalışmalıyıq. Qızların təhsili prioritetləşdirilməlidir. Uqandada qızların 1.5 faizi universitetlərə girir, biz bu rəqəmi artırmalıyıq. Texniki sahələrdə qadınların təmsilçiliyi 48 faizdir, Baş nazir, vitse-prezident qadınlardır, yerli özünüidarəetmedə qadınların təmsilçiliyi 48 faiz, parlamentdə qadın təmsilçiliyi 43 faizdir.
Gəlin səlahiyyət və gücümüzdən istifadə edərək siyasi strukturda dəyişiklik yaradaq ki, qızlarımızın gələcəyi parlaq olsun”.
Qeyri-hökumət Təşkilatlarına Dövlət Dəstəyi Agentliyinin İcraçı direktoru Aygün Əliyeva bildirib ki, Azərbaycanda QHT-lərin 39 faizi qadınlar tərəfindən idarə olunur. O, Agentliyin dəstəklədiyi layihələr barədə məlumat verib.
Fransa kolonializminə qarşı Bakı Təşəbbüs Qrupunun üzvü Ella Tokoragi paneldə çıxışında deyib ki, qadınların hüquqları əsrlə ərzində ələ salınıb, onlara hörmət edilməyib amma bu gün qadınlar öz hüquqları uğurunda mübarizə aparır.
O deyib ki, qadınların səhiyyə xidmətlərinə əlçatımlılığı təmin olunmalıdır.
“Pandemiya bizim ölkəmizdə çox pis idarə olundu, 260 min əhalisi olan ölkədə böhran yarandı. Fransanın bizim ərazilərimizdə öz məqsədləri üçün bomba sınaqları həyata keçirməsi insanlarımızın sağlamlığına pis təsir edib, onlar arasında xərçəng xəstəliyi yayılıb”.
O, ölkəsində qadınların iqtisadi problemlərinin artdığını deyib. Ella Tokoragi bildirib ki, qadınların dəstəklənməsi üçün iqtisadi resurslar təmin olunmalıdır.
Bunu “Qadınlar: Parlaq gələcəyə aparan yol” mövzusunda panel müzakirəsində Özbəkistan Baş nazirinin müavini, Ailə Qadın Komitəsinin sədri Züleyxa Məhəmova çıxışında deyib.
O bildirib ki, ölkədə millət vəkillərinin 33 faizi, siyasi partiya üzvlərinin 46 faizi qadınlardır: “İctimai-siyasi həyatda, ciddi qərarların qəbulunda qadınların rolu danılmazdır. Biznes sektorunda qərarvermə prosesində qadınların rolu artır”.
O, ölkədə müxtəlif yüksək vəzifələrdə qadınların çalışdığını qeyd edərək buna nümunələr çəkib.
Baş nazirin müavini bildirib ki, ötən illərlə müqayisədə bu rəqəmlər artıb.
O deyib ki, qadınların müxtəlif sahələrə idarəçilik postlarında çalışması üçün hökumət müxtəlif layihələr həyata keçirir.
“Müxtəlif nazirliklərdə, dövlət agentliklərində qadınlar yüksək vəzifələrdə çalışır. Xoşbəxt qadın xoşbəxt cəmiyyət deməkdir və bizlər bu istiqamətdə çalışmalıyıq”, – sədr deyib.
Uqandanın əmək və sosial inkişaf naziri Betti Amongi Ongom çıxışında bildirib ki, parlaq gələcək üçün qadınların rolundan danışırıqsa, qadınların statusunu və hüquqlarını tanımalıyıq.
Uqandalı nazir qadın və kişilərin bərabər hüquqlarının təşviqi üçün beynəlxalq təşkilatların qəbul etdiyi sənədlər barədə məlumat verib. O, qadın haqları aktivistlərinin gördükləri işlərin vacibliyini qeyd edərək bunun cəmiyyəti ilhamlandırdığını deyib.
“Biz əlimizdə olan imkan və gücdən qadınların hüquqları, gender bərabərliyinin təşviqi, onlara bərabər imkanların təminatı üçünü istifadə etməliyik. Qadınların təməl hüquqlarının təminatı üçün dövlət institutları bizə dəstək verməlidir. Qadınlar parlaq gələcəyə aparan qüvvədir, biz qadınların, qızların hüquqlarını, təhsilə çıxışlarını təmin etməliyik, onların iqtisadi azadlığı uğrunda çalışmalıyıq. Qızların təhsili prioritetləşdirilməlidir. Uqandada qızların 1.5 faizi universitetlərə girir, biz bu rəqəmi artırmalıyıq. Texniki sahələrdə qadınların təmsilçiliyi 48 faizdir, Baş nazir, vitse-prezident qadınlardır, yerli özünüidarəetmedə qadınların təmsilçiliyi 48 faiz, parlamentdə qadın təmsilçiliyi 43 faizdir.
Gəlin səlahiyyət və gücümüzdən istifadə edərək siyasi strukturda dəyişiklik yaradaq ki, qızlarımızın gələcəyi parlaq olsun”.
Qeyri-hökumət Təşkilatlarına Dövlət Dəstəyi Agentliyinin İcraçı direktoru Aygün Əliyeva bildirib ki, Azərbaycanda QHT-lərin 39 faizi qadınlar tərəfindən idarə olunur. O, Agentliyin dəstəklədiyi layihələr barədə məlumat verib.
Fransa kolonializminə qarşı Bakı Təşəbbüs Qrupunun üzvü Ella Tokoragi paneldə çıxışında deyib ki, qadınların hüquqları əsrlə ərzində ələ salınıb, onlara hörmət edilməyib amma bu gün qadınlar öz hüquqları uğurunda mübarizə aparır.
O deyib ki, qadınların səhiyyə xidmətlərinə əlçatımlılığı təmin olunmalıdır.
“Pandemiya bizim ölkəmizdə çox pis idarə olundu, 260 min əhalisi olan ölkədə böhran yarandı. Fransanın bizim ərazilərimizdə öz məqsədləri üçün bomba sınaqları həyata keçirməsi insanlarımızın sağlamlığına pis təsir edib, onlar arasında xərçəng xəstəliyi yayılıb”.
O, ölkəsində qadınların iqtisadi problemlərinin artdığını deyib. Ella Tokoragi bildirib ki, qadınların dəstəklənməsi üçün iqtisadi resurslar təmin olunmalıdır.
