HƏMAS girovların azad edilməsi müqabilində İsrailin təklif etdiyi bir həftəlik atəşkəs razılaşmasını rədd edib.
Xeberlenti.com xəbər verir ki, bu barədə “Wall Street Journal” nəşri misirli mənbələrinə istinadla məlumat yayıb.
Məlumata görə, İsrail təcili tibbi yardıma ehtiyacı olan bütün qadın, uşaq və qocalar da daxil olmaqla, 40 nəfərin azad edilməsini istəyib. Bunun müqabilində İsrail Qəzza zolağında quru və hava əməliyyatlarını bir həftə müddətinə dayandırmağı təklif edib, həmçinin anklava humanitar yardım axınına zəmanət verib.
Nəşrin mənbələri bildiriblər ki, HƏMAS nümayəndələri yalnız atəşkəsdən sonra israilli girovların qaytarılması məsələsini müzakirə etməyə hazır olduqlarını bəyan ediblər. Bundan başqa, “İslami Cihad” qruplaşması 100-dən çox girov müqabilində İsraildən bütün üzvlərini həbsxanalardan azad etməyi tələb edib.
HƏMAS İsrailin atəşkəs razılaşmasını rədd etdi
