Ukrayna Silahlı Qüvvələri Avdeyevkanın qərbindəki Tonenkoe kəndindən rus işğalçılarını sıxışdırıb çıxarıb.
Bu barədə Almaniyanın “BILD” nəşrinin tanınmış hərbi eksperti Julian Repke yazıb.
Bundan əvvəl o, Ukrayna Silahlı Qüvvələrinin Avdeyevkanın qərbində Berdıçi-Semyonovka-Orlovka-Tonenkoye xəttində müdafiəni saxlamaqda çətinlik çəkdiyini bildirmişdi. Ancaq hazırda ekspertin fikrincə, Ukrayna hərbçiləri işğalçıları Tonenkoyedən çıxara biliblər: “Ukrayna ordusu Avdeyevkanın qərbindəki Tonenkiyə tam nəzarəti bərpa edib. Ruslar kəndi atəşə tutur”.
Ukrayna Baş Qərargahının məlumatına görə, son 24 saat ərzində cəbhədə 92 hərbi toqquşma baş verib. Avdeyevka istiqamətində ukraynalılar Donetsk vilayətinin Berdiçi, Tonenkoye, Pervomayskoye, Nevelskoye yaşayış məntəqələri ərazilərində düşmənin 21 hücumunu dəf ediblər.
Eyni zamanda məlumdur ki, ruslar Avdeyevka yaxınlığında irəliləməyə cəhd etməkdə davam edirlər.Rus ordusu indi Ukrayna Silahlı Qüvvələrinin yeni müdafiə xəttində yerləşən Orlovkanı hədəf götürüblər.
