Rusiya Xarici İşlər Nazirliyi Ermənistanda çap olunan tarix dərsliyinin “Şərqi Ermənistanın zorla Rusiyaya birləşdirilməsi” fəslinin təxribat xarakterli olduğunu bildirib.
Xeberlenti.com “Qafqazinfo”-ya istinadən xəbər verir ki, bu barədə nazirlik şərh yayıb.
Kreml sözügedən məktəb dərsliyində “Şərqi Ermənistanın zorla Rusiyaya birləşdirilməsi” adlı fəslin olmasını “tarixi yenidən yazmaq” cəhdi kimi qiymətləndirib.
Rusiya XİN bildirir ki, fəsildə hadisələr təhrif olunmuş formada çatdırılır.
“Söhbət ümumi tariximizi yenidən yazmaq üçün növbəti həyasız cəhddən gedir. 1826-1828-ci illər Rusiya müharibəsinin nəticələri təhrifə məruz qalıb və Türkmənçay sülhü Şərqi Ermənistanın “ilhaqı” kimi qeyd edilib”, – nazirlik vurğulayıb.
Rəsmi Kreml həmin kitabın istifadəyə verilməyəcəyinə ümidvar olduğunu qeyd edib.
