İspaniyanın “Barselona” klubunun yarımmüdafiəçisi Mark Kasado mövsümün sonuna qədər sıradan çıxa bilər.
“Xeberlenti.com”un “Marca”ya istinadən məlumatına görə, 21 yaşlı futbolçu İspaniya çempionatının XXVIII turunda, ötən gün baş tutan “Atletiko” ilə oyunda zədələnib.
O, Madrid komandasının üzvü Antuan Qrizmanla toqquşduqdan sonra ikinci hissənin ortalarında əvəzlənib. Onun diz bağlarından zədə aldığı bildirilir.
Bu, təsdiqlənəcəyi təqdirdə futbolçu mövsümün qalan hissəsini buraxmaq məcburiyyətində qalacaq.
Qeyd edək ki, M.Kasado İspaniya La Liqasının cari mövsümündə meydana çıxdığı 23 oyunda bir qol və üç məhsuldar ötürmə müəllifi olub.
