Novruz bayramı ərəfəsində Xaçmaz şəhəri, Heydər Əliyev prospektində yerləşən Şəxsiyyətlər parkı əsaslı təmir olunub.
“Xeberlenti.com”un Şimal bürosunun məlumatına gorə, əsaslı təmir olunan Şəxsiyyətlər parkında yeni dekorativ ağac və gül kolları əkilib, oturacaqlar qoyulub. Ərazidə avtomobillərin rahat və təhlükəsiz hərəkəti üçün asfalt örtük vurulub, velosiped həvəskarları üçün xüsusi zolaqlar ayrılıb, piyada keçidləri salınıb.
Həmçinin parkı iki hissəyə ayıran yeni avtomobil yolu inşa edilib. Yeni yol sürücülərə Heydər Əliyev prospekti ilə birbaşa hərəkət imkanı yaradır.
Qeyd edək ki, Şəxsiyyətlər parkının təmirindən əvvəl H.Əliyev prospekti ilə hərəkət edən avtomobillərin bir hissəsi N.Nərimanov küçəsinə dönür, oradan M.Ə.Rəsulzadə küçəsinə, daha sonra isə G.H.Rəsulbəyov küçəsinə keçməli olurdular.
