Türkiyədə keçirilən etiraz aksiyalarında 1133 nəfər saxlanılıb.
“Xeberlenti.com” xəbər verir ki, bu barədə ölkənin daxili işlər naziri Ali Yerlikaya öz sosial şəbəkə hesabında məlumat yayıb.
Nazir bildirib ki, 123 polis əməkdaşı aksiyalar zamanı müxtəlif dərəcələi bədən xəsarətləri alıb.
Qeyd edək ki, martın 19-dan etibarən Türkiyənin əksər vilayətlərində, xüsusilə İstanbulda Əkrəm İmamoğlunun saxlanılmasına etiraz əlaməti olaraq gemişmiqyaslı aksiyalar keçirilir.
Xatırladaq ki, martın 18-də İstanbul Böyükşəhər Bələdiyyəsinin (İBB) sədri Əkrəm İmamoğlunun diplomu ləğv olunub. Bir gün sonra isə o saxlanılıb. Ötən gün – martın 23-də məhkəmə korrupsiya ittihamını əsas gətirərək İmamoğlu barəsində həbs qətimkan tədbiri seçib. Daha sonra o, İstanbulun bələdiyyə sədrliyindən uzaqlaşdırılıb.
