Hazırda həbsdə olan İstanbul Böyükşəhər Bələdiyyəsinin sabiq sədri Əkrəm İmamoğlu Türkiyə Prezidenti Ərdoğanın anasına ünvanlanan təhqirləri pisləyib.
“Xeberlenti.com”xəbər verir ki, İmamoğlu bu barədə X hesabında paylaşım edib.
“Çörək, su, hava kimi müqəddəs saydığım analarımızın ünvanına söylənən təhqirləri qəbul edə bilmirəm. Prezidentin anasına edilən təhqirləri ürəkdən pisləyirəm. Bir daha uca Allahdan ona rəhmət diləyirəm”, – deyə İmamoğlu yazıb.
Qeyd edək ki, Əkrəm İmamoğlunun həbsinə etiraz edən CHP-çilərdən bəziləri Prezident Ərdoğanın mərhum anası haqda təhqiramiz ifadələr işlədiblər.
