Böyük Britaniyanın şimal-şərqindəki Nyukasl şəhərində zibil qutusundan yüzlərlə səhifəlik məxfi hərbi sənədlər tapılıb.
“Xeberlenti.com”əbər verir ki, bu barədə BBC telekanalı məlumat yayıb.
Məlumata görə, Britaniya Müdafiə Nazirliyi belə bir hadisənin baş verdiyini təsdiqləyib.
Nazirik sənədlər martın 16-da aşkar edildiyini bildirib. Tapılan sənədlərdə Britaniya hərbçilərinin adları, sənəd nömrələri və əlaqə məlumatları, həmçinin silahların paylanması və növbətçilik sistemləri haqqında məlumatlar var.
Telekanala müsahibə verən ekspertlər hesab edirlər ki, bu sənədlərin düzgün saxlanmaması Britaniyanın müdafiə qabiliyyətinə qısamüddətli təhlükə yarada, həmçinin, britaniyalı əsgər və zabitlərin həyatını riskə ata bilərdi.
Xüsusilə, bəzi sənədlərə “məxfi” möhürü vurulub və Şimali İngiltərənin Katterikdəki ən böyük hərbi qarnizonuna aid olub.
