“Vətən Sağ Olsun Layihəsi”nin, “Azərbaycan Qan Donorluğunun İnkişafı Mərkəzi”nin və “Şəhid Ailələrinə Sosial Dəstək” içtimai birliyinin birgə təşkilatçılığı, “EME” Parfumun dəstəyilə ilə şəhid, qazi ailələri və fiziki məhdudiyyətli insanlar üçün iftar süfrəsi təşkil olunub.
Əvvəlcə Azərbaycan Respublikasının dövlət müstəqilliyi və ərazi bütövlüyü uğrunda şəhid olmuş oğul və qızlarımızın əziz xatirəsi bir dəqiqəlik sükutla yad edilib. Ardiycan Azərbaycan Respublikasının Dövlət Himni səsləndirilib. Sonra Məddah Fərid Kərimlinin ifasında “Qurani-Kərim”dən ayələr oxunub, şəhidlərimizin ruhuna dualar edilib.
İlk olaraq tədbirin təşkilatçıları “Vətən Sağ Olsun Layihəsi”nin rəhbəri, “Azərbaycan Qan Donorluğunun İnkişafı Mərkəzi”nin Fəxri Üzvü Püstə Hüseynova və “Şəhid Ailələrinə Sosial Dəstək” İctimai Birliyi”ndə təşkilatçı Əhməd Tağıyev, “Şəhid Ailələrinə Sosial Dəstək” İctimai Birliyinin idarə heyətinin sədri Almaz Zeynalova və Azərbaycan Qan Donorluğunun İnkişafı Mərkəzinin icraçı direktoru Kamil Hüseynov çıxış edərək tədbir haqqında qonaqlara məlumat veriblər.
Sonra şəhid anaları və qazilər çıxış edərək tədbirin mahiyyəti və məramı haqqında geniş söz açıblar və bu cür tədbirlərin mütamadi təşkili cəmiyyətimiz üçün vacibliyini vurğulayıblar. Daha sonra “EME” parfumun rəhbəri Murad Alxasov tərəfindən göndərilən hədiyyələr tədbir iştirakçılarına hədiyyə olunaraq təqdim olunub.
İftar süfrəsi Azərbaycan Respublikasının Əməkdar artisti, “Azərbaycan Qan Donorluğunun İnkişafı Mərkəzi”nin Fəxri Üzvü Səlim Abbasovun, tanınmış şair və meyxana ustadı Ağa Maştağalının, gənc müğənnilər Derya xanımın və Ülvi Əsədin ifaları ilə davam edib.
