Azərbaycan Yerüstü Nəqliyyat Agentliyi (AYNA) Gəncə şəhəri, Fikrət Əmirov küçəsi, ev 20A ünvanında yerləşən 2 mərtəbəli qeyri-yaşayış obyektini icarəyə götürüb və obyektin sahibi Qasımov Vidadi Vaqif oğlu ilə satınalma müqaviləsi imzalayıb.
Müqavilənin şərtlərinə görə, AYNA Vidadi Qasımova məxsus 271 kvadratmetr qeyri-yaşayış sahəsini icarəyə götürəcək və bir il üçün icrə haqqı olaraq 32 min 400 manat (ayda 2 min 700 manat) ödəyəcək.
Qeyd edək ki, obyektin sahibi olan Vidadi Qasımov “Bakı Nəqliyyat-10” ASC-nin İdarə heyətinin sədri olub. 2022-ci ildə öz öhdəliklərini icra etmədiyi və qanunvericilik tələbini pozduğu üçün vəzifəsindən azad olunub.
Onu da bildirək ki, AYNA-nın Gəncə regional şöbəsi də Fikrət Əmirov küçəsində yerləşir.
