İstanbul Böyükşəhər Bələdiyyəsinin (İBB) həbs olunan sədri Əkrəm İmamoğlunun sosial media hesablarının bağlanması üçün məhkəməyə ərizə təqdim olunub.
“Xeberlenti.com”Türkiyə mətbuatına istinadla istinadla xəbər verir ki, buna səbəb Cümhuriyyət Xalq Partiyasının (CHP) sədri Özgür Özəlin hakimiyyətə yaxın bir sıra təşkilat və şirkətləri boykot etməyə çağırması, İmamoğlunun isə sosial media hesablarından bu çağırışa dəstək verilməsi olub.
Qeyd olunub ki, vəkil Burak Bəkiroğlu İmamoğlunun sosial media hesablarının bağlanması üçün UYAP İnformasiya Sistemi vasitəsilə İstanbul Sülh Cəza Məhkəməsinə ərizə ilə müraciət etdiyini açıqlayıb.
Xatırladaq ki, martın 18-də İstanbul Böyükşəhər Bələdiyyəsinin sədri Əkrəm İmamoğlunun diplomu ləğv olunub. Bir gün sonra isə o saxlanılıb. Martın 23-də məhkəmə korrupsiya ittihamını əsas gətirərək İmamoğlu barəsində həbs qətimkan tədbiri seçib. Daha sonra o, İstanbulun bələdiyyə sədrliyindən uzaqlaşdırılıb.
Qeyd edək ki, martın 19-dan etibarən Türkiyənin əksər vilayətlərində, xüsusilə İstanbulda gemişmiqyaslı etiraz aksiyaları keçirilir.
