Bu ilin fevral ayında turizm məqsədi ilə Azərbaycana 109 min 175 nəfər xarici ölkə vətəndaşı gəlib.
“Xeberlenti.com”açıqlanan rəsmi məlumatlara istinadən xəbər verir ki, Azərbaycana səfər edən xarici ölkə vətəndaşlarının 66 min 521 nəfəri və ya 61%-i ölkəyə istirahət və əyləncə məqsədilə gəlib.
Müqayisə üçün bildirək ki, ötən ilin eyni dövründə istirahət və əyləncə məqsədilə ölkəyə 75 min 329 əcnəbi turist gəlib.
Açıqlanan rəqəmlərdən də göründüyü kimi, fevral ayında istirahət və əyləncə məqsədi ilə Azərbaycana gələn turistlərin sayı ötən ilin eyni dövrü ilə müqayisədə 8 min 808 nəfər və ya 11,7% azalıb.
