Papua-Yeni Qvineya sahillərində 7,2 bal gücündə zəlzələ baş verib.
“Xeberlenti.com”xəbər verir ki, bu barədə Avropa-Aralıq dənizi Seysmoloji Mərkəzi rəsmi saytında məlumat yayıb.
Mərkəzin məlumatına görə, yeraltı təkanlar Bakı vaxtı ilə saat 00:04-də əhalisi 18 min nəfərdən çox olan Kimbe şəhərindən 182 kilometr cənub-şərqdə qeydə alınıb.
Zəlzələnin ocağı 49 kilometr dərinlikdə yerləşib.
Tələfat və dağıntılar barədə məlumat yoxdur.
Digər tərəfdən, zəlzələdən sonra Papua-Yeni Qvineya sahillərində sunami xəbərdarlığı edilib. Bu barədə ABŞ Milli Okean və Atmosfer Tədqiqatları İdarəsi məlumat yayıb. İdarə Bakı vaxtı ilə saat 00:11-də sunami xəbərdarlığı edib, lakin bir neçə dəqiqə sonra onu ləğv edib.
