Azərbaycan təkcə neft hasilatı deyil, həm də neft nəqli üzrə regionun əsas oyunçularından biridir.
“Xeberlenti.com” xəbər verir ki, bunu “GLENMAR Group”un təşkil etdiyi “Xəzər və Mərkəzi Asiya neft treydingi və logistikası Forumu”da çıxış edərkən “Azərbaycan Dəmir Yolları” QSC sədrinin müşaviri Emil Məmmədov deyib.
O qeyd edib ki, ölkənin geniş infrastrukturu və terminal imkanları onu neft və neft məhsullarının nəqli üzrə əsas oyunçu kimi təqdim etməyə imkan verir.
“Bu məsələdə “Azərbaycan Dəmir Yolları” vacib rollardan birini oynayır”, – Emil Məmmədov qeyd edib.
Onun sözlərinə görə, Azərbaycanın nəqliyyat və tranzit imkanlarının gənişləndirilməsində Bakı-Tbilisi-Qars dəmir yolu vacib rol oynayır.
“Hazırda bu dəmir yolu ilə neft nəql olunmur, lakin BTQ ilə neft məhsullarının daşınması planlaşdırılır”, – ADY nümayəndəsi qeyd edib.
