Daxili xəstəliklər mütəxəssisi Dr. Əli Vardar yeməkdən sonra axşam gəzintilərinin bağırsaq xərçəngi və diabet riskini azaltdığını söyləyib.
“Xeberlenti.com” xarici KİV-ə istinadən xəbər verir ki, Almaniyanın Regensburq Universitetinin tədqiqatçıları Böyük Britaniyada 86 mindən çox insanın məlumatlarını təhlil edərək müəyyən ediblər ki, səhər saat 8-dən axşam 6-ya qədər gəzmək kimi fəaliyyətlərlə məşğul olmaq bağırsaq xərçəngi riskini 10% azaldır.
Fiziki fəaliyyət rahatlaşdırıcı xüsusiyyətləri sayəsində stresslə əlaqəli iltihabı azaldır. Axşam gəzintiləri və ümumiyyətlə idman immun sistemimizdəki şiş əleyhinə hüceyrələri aktivləşdirir və hüceyrə ölümünün təbii prosesini gücləndirir. Beləliklə, potensial xərçəng hüceyrələrinin pisləşmə şansı olmadan təmizlənmə ehtimalının daha yüksək olduğu ortaya çıxıb.
Axşam yeməyindən sonra gəzməyin yeməkdən sonra meydana gələn şəkər artımını azaltmaq üçün əla bir yol olduğunu qeyd edən mütəxəssis Doktor Əli Vardar, gündə cəmi bir neçə dəqiqə gəzməyin sağlamlığınızın yaxşılaşdırılmasında böyük rol oynadığını söyləyib.
Kəmalə Vəliyeva
