Saç düzümünə qərar vermək çoxumuz üçün həm həyəcan verici , həm də bir az qorxudur. “Qısa saç mənə yaraşacaqmı?” güzgü qarşısında keçirdiyimiz o uzun anlarda düşündüyümüz ilk suallardan biridir. Sosial mediada sürətlə yayılan, sadəcə iki qələm tələb edən üsul bu qərarsızlığa son qoyacağını vəd edir.
Xeberlenti.com xəbər verir ki, Saç baxımı mütəxəssisləri tərəfindən təsdiqlənən bu qısa ipucu qısa saçların üz şəklinizə uyğun olub olmadığını müəyyən etmək üçün asan bir yol təqdim edir. Bu, yalnız bir neçə dəqiqə çəkir və peşmançılıq riskini minimuma endirir.
Saç baxımı dünyasının sevilən siması Emi Çanq sosial şəbəkədə paylaşdığı videoda sadə bir üsul paylaşır. Chang deyir ki, qısa saçların sizə uyğun olub-olmadığını yalnız iki qələm və bir xətkeşdən istifadə edərək yoxlaya bilərsiniz. Yaxşı, bu üsul necə işləyir?
Əvvəlcə qulağınızın altına şaquli olaraq bir qələm qoyun. Digər qələmi çənənizin altında üfüqi tutun. İki qələmin kəsişməsindən məsafəni ölçün. Bu məsafə 5 sm-dən azdırsa, qısa saçların üz cizgilərinizi tamamlayacağı ehtimalı var. Əgər 6 sm-dən çox olarsa, uzun saç daha yaxşı seçim ola bilər.
Xeberlenti.com
