Yay mövsümü başlayanda sərinləmək üçün dənizə üz tutanların sayı artır. Lakin bir çox insan dənizdə mövcud təhlükələri nəzərə almadan, ehtiyatsız davranır. Nəticədə isə xoş istirahət faciə ilə bitə bilir.
Xeberlenti.com-un sorğusuna cavab olaraq Fövqəladə Hallar Nazirliyi bildirir ki, çimərlikdə təhlükəsizliyin təmin olunması üçün hər kəs müəyyən qaydalara əməl etməlidir. Nazirlik çimərliklərdə aşağıdakı halların qəti qadağan olduğunu xatırladır:
Çimmək üçün nəzərdə tutulmamış ərazilərdə suya girmək
İşarələnmiş sərhədlərdən kənara üzmək
Küləkli havada dənizə girmək
Sərxoş halda çimərliyə gəlmək və ya spirtli içki qəbul etmək
Çimərlikdə gecələmək və fırtına xəbərdarlığı zamanı ərazidə qalmaq
Suda kobud hərəkətlər etmək
Çimərliyi zibilləmək və ev heyvanı gətirmək
Çimərlikdə balıq tutmaq
Qayıq, sal, körpü, xəbərdarlıq nişanları və digər texniki qurğulara yaxınlaşmaq və üzərinə çıxmaq
Xilasetmə texnikası istisna olmaqla digər qayıq və kiçik gəmilərin çimərlik ərazisinə daxil olması
Bundan əlavə, uşaqlar yalnız böyüklərin müşayiəti ilə və onlar üçün ayrılmış zonalarda çimməlidir. Onları çimərlikdə nəzarətsiz qoymaq yolverilməzdir.
Nazirlik həmçinin xatırladır ki:
Xilasedicilərin çağırış və tələblərinə mütləq əməl edilməlidir
Xəbərdaredici nişan və lövhələrin tələblərinə riayət olunmalıdır
Günün ən qızmar saatlarında günəş altında fasiləsiz qalmaq təhlükəlidir
Hava qaraldıqdan sonra suya girmək olmaz
Çimərliklərdə ən təhlükəsiz istirahət vaxtı saat 09:00-dan 20:00-dəkdir
Unutmayın: Qaydalara biganəlik həyatınıza təhlükədir! Təhlükə zamanı 112-yə zəng edin.
Kəmalə Vəliyeva
Xeberlenti.com
