Fələstinli fəal Ahed Tamimi Həmas ilə barışıq sazişi çərçivəsində İsrail tərəfindən çərşənbə günü azad ediləcək 30 fələstinli məhbusdan biri idi. 22 yaşlı xanım Tamimi bu ayın əvvəlində İnstaqramda yazdığı yazıya görə həbs edilib və ailəsi bunu qızının yazmadığını bildirib. Atəşkəs nəticəsində 200-dən çox fələstinli İsrail tərəfindən azad edilib. HƏMAS 70 israilli qadın və uşağı buraxıb. Adları hələlik açıqlanmayan digər məhbusların da ailə üzvlərinə qovuşduğu bildirilib. Xanım Tamiminin saxlandığı sosial media yazısı artıq internetdə görünmür, onun adını və şəklini daşıyan hesab da aktiv deyil. İsrail mediası onun yəhudi köçkünləri “qırmaqla” hədələdiyini yazsa da, anası hesabın qızına aid olmadığını bildirib. Həbs olunarkən anası AFP xəbər agentliyinə deyib: “Ahedin adında fotoşəkili olan onlarla səhifə var, onların heç birinin qızımla əlaqəsi yoxdur”.
Fələstinli fəal Ahed Tamimi İsrail tərəfindən azad edilib
