Londondakı səfirliyimizə hücum edən “Mehdinin xidmətçiləri”ninin İranın dini rəhbərliyi ilə ideoloji müharibədə olmasına dair məlumatlar fonunda hadisə “Azərbaycanın inanclı kəsiminə təsir uğrunda mübarizə”nin nətəcəsi kimi görünür. Hərçənd, baş verənlərdə İranın bu və ya digər formada sifarişçi olması ehtimalı da var və belə bir hücum birdən çox hədəfə hesablana bilər:
– Cənubdan Bakıya qarşı əsas ittihamlardan biri “Azərbaycan başqa ölkələrə güvənib “şiələri təqib” edir” yönündədir: Məhərrəmlik ayında Londondakı səfiriliyin ələ keçirilməsi ilə “sizi güvəndiyiniz yerdə vura bilərik” mesajı verirlər;
– Səfirlk binasının ələ keçirilməsi və bayrağımızın təhqir edilməsi, yerinə “dini bayraqlar” asılması “Azərbaycan dövlətini ələ keçirə bilərik” mesajı ola bilər;
– Londonda belə bir hücum Britaniyanı da ittiham altına salır və bu, Azərbaycan-İngiltərə münasibətlərinin gərginləşməsinə hesablanmış addım ola bilər;
Bu ehtimallar fonunda bir detal – ingilis polisinin həbs etdiyi “Mehdinin xidmətçiləri” arasındakı bir şəxsin görüntüsü diqqət çəkir: görüntüdə həbs edilən şəxs İranda Azərbaycan dövlətinə qarşı hücuma “piyadalıq” edən, Azərbaycanda dini rejim qurmaq istəyən, Gəncə hadisələrinin təşkilatçısı olan və bu yaxınlarda “Kərimə dövləti” planlarını elan edən “Hüseyniyyun” qruplaşmasının üzvlərindən olan Musa Əsədzadəyə bənzəyir;
Bu bənzərlik hadisənin arxasında İran izinin olmasını və hücumda “Hüseyniyyun” radikal qruplaşmasının durması ehtimalını da önə çıxarır.
Asif Nərimanlı
Səfirliyimizə hücumda İran izinə işarə edən detal – FOTO
