Bu gün UEFA Çempionlar Liqasının qrup mərhələsində 5-ci tura yekun vurulacaq.
Qol.az xəbər verir ki, A, B, C və D qruplarında keçiriləcək 8 oyundan sonra pley-offun daha 4 iştirakçısı müəyyənləşə bilər.
A qrupunda “Liverpul” səfərdə “Ayaks”a uduzmasa, 1/8 finala vəsiqə qazanacaq. Qrupun digər matçında “Napoli” “Reyncers”i qəbul edəcək.
B qrupunda “Portu” Belçikada “Brügge”yə qalib gəlsə, pley-offa vəsiqəni təmin edə bilər. Bunun üçün Madrid “Atletiko”su öz meydanında”Bayer”lə görüşdə xal itirməlidir.
C qrupunda Milan “İnter”i Çexiyanın “Viktoriya”nı məğlub etsə, pley-offa vəsiqə qazanacaq. Qrupun digər matçında “Barselona” “Bavariya”nı qəbul edəcək.
D qrupunda “Sportinq”i qəbul edəcək “Tottenhem” qalib gəlsə, 1/8 finala yüksələcək. Qrupun digər oyununda isə “Marsel” Almaniyada “Ayntraxt”ın (Frankfurt) qonağı olacaq.
26 oktyabr
Çempionlar Liqası
Qrup mərhələsi, 5-ci tur
A qrupu
23:00. “Napoli” (İtaliya) – “Reyncers” (Şotlandiya)
23:00. “Ayaks” (Niderland) – “Liverpul” (İngiltərə)
Xal durumu: “Napoli” – 12 . “Liverpul” – 9. “Ayaks” – 3. “Reyncers” – 0.
B qrupu
20:45. “Brügge” (Belçika) – “Portu” (Portuqaliya)
23:00. “Atletiko” (Madrid, İspaniya) – “Bayer” (Almaniya)
Xal durumu: “Brügge” – 10. “Portu” – 6. “Atletiko” – 4. “Bayer” – 3.
C qrupu
20:45. “İnter” (İtaliya) – “Viktoriya” (Plzen, Çexiya)
23:00. “Barselona” (İspaniya) – “Bavariya” (Almaniya)
Xal durumu: “Bavariya” – 12. “İnter” – 7. “Barselona” – 4. “Viktoriya” – 0
D qrupu
23:00. “Tottenhem” (İngiltərə) – “Sportinq” (Portuqaliya)
23:00. “Ayntraxt” (Frankurt, Almaniya) – “Marsel” (Fransa)
Xal durumu: “Tottenhem” – 7. “Marsel” – 6. “Sportinq” – 6. “Ayntraxt” – 4.
Qeyd edək ki, daha əvvəl İtaliyanın “Napoli”, Belçikanın “Brügge”, Almaniyanın “Bavariya” və “Borussiya” (Dortmund), İspaniyanın “Real”, Fransanın PSJ, Portuqaliyanın “Benfika”, İngiltərənin “Mançester Siti” və “Çelsi” komandaları da pley-off vəsiqəni təmin ediblər.