“Finlandiyanın NATO-ya üzv olması Rusiya üçün təhlükə yaradır”.
“Report” TASS-a istinadən xəbər verir ki, bunu Kremlin sözçüsü Dmitri Peskov deyib.
Onun sözlərinə görə, Finlandiyanın NATO-ya daxil olması Avropada sabitliyi və təhlükəsizliyi gücləndirməyəcək: “Finlandiya NATO-ya daxil olduqdan sonra Rusiya öz təhlükəsizliyini təmin etmək üçün əlavə tədbirlərə ehtiyac duyacaq, lazım olan hər şeyi edəcək”.
Qeyd edək ki, Finlandiya dünən NATO-ya rəsmi üzv olub. Bununla da Alyans üzvlərinin sayı 31-ə çatıb.
