“Mən Putini yaxşı tanıyıram. Neçə gündür onu müşahidə edirəm, hələ indiki qədər isterik olduğunu xatırlamıram”.
Xeberlenti.com xəbər verir ki, bunu Gürcüstanın keçmiş prezidenti Mixail Saakaşvili “Facebook” səhifəsində yazıb.
“Bu gün mənə aydın olur ki, Putinin hakimiyyətdə bir neçə həftəsi qalıb” – deyə, o, qeyd edib.
Eks-prezident hesab edir ki, Rusiyada qısa müddətli də olsa ciddi qarşıdurmalar başlayacaq.
Onun sözlərinə görə, bunun nə qədər tez baş verməsi böyük ölçüdə Ukraynanın döyüş meydanında irəliləyişindən asılı olacaq: “Ukraynalılar yaxın həftələrdə Baxmutu qaytaracaq, sentyabrda Azov dənizinə çatıb Krıma girməyə başlayacaqlar. Krıma girmək Putinin edamı deməkdir…”
