Düşmənin terror məqsədilə quraşdırdığı tank əleyhinə minanın partlaması nəticəsində şəhid olan Azərbaycan Ordusunun hərbi qulluqçusu polkovnik-leytenant Əkrəm Şadmanov dəfn edilib.
“Dəfn mərasimində şəhidin ailə üzvləri, xidmət yoldaşları və ictimaiyyət nümayəndələri iştirak edib.
Qeyd edək ki, Ağdam rayonunda “KamAZ” markalı hərbi nəqliyyat vasitəsinin minaya düşməsi nəticəsində Azərbaycan Ordusunun hərbi qulluqçuları Şadmanov Əkrəm Yunis oğlu və Seyidov Tural İslam oğlu şəhid olub. Digər hərbi qulluqçumuz Əliyev Elvin Taleh oğlu isə müxtəlif dərəcəli bədən xəsarətləri alaraq yaralanıb.
