İsrail qüvvələri bazar ertəsi Qəzza zolağının şimalında HƏMAS-a qarşı əməliyyatlarını genişləndirib.
Bazar günündən etibarən Qəzza şəhərinin mərkəzində şiddətli döyüşlər gedir, İsrail tankları fələstinli döyüşçülərin raket atəşinə cavab verir. Axşam saatlarından isə hava hücumları da intensivləşib. AFP-nin jurnalisti Qəzza şəhərinin şimalında yerləşən Cəbəliya qaçqın düşərgəsinin üzərində ardıcıl olaraq havadan bombardmanların yüksəldiyini bildirib. Qəzzanın Səhiyyə Nazirliyinin məlumatına görə, eyni nəslin 41 üzvü İsrailin Cəbəliyyədəki evlərinə endirdiyi zərbə nəticəsində həlak olub. Fələstinin Wafa agentliyi də gecə saatlarında Qəzza şəhərinin şimalında yerləşən İndoneziya xəstəxanasına zərbə endirdiyini, HƏMAS isə İsrail tanklarının bombardman etdiyini bildirib. Ordunun bildirdiyinə görə, bazar günü beş əsgər həlak olub və bununla da İsrailin oktyabrın 7-də başlayan döyüşlərdən bəri ölən döyüşçülərinin ümumi sayı 64 əsgərə çatıb.
