Atəşkəs yerli vaxtla səhər saat 7-də başlayıb və ən azı dörd gün davam edəcək. Hər iki tərəf ilk olaraq qadın və uşaqları azad edəcək. İsrail azad edilən hər 10 girov üçün atəşkəsin bir gün daha uzadılacağını açıqlayıb.
İsrail və Həmas arasında Qəzzada 4 günlük atəşkəs cümə günü səhər qüvvəyə minib. Danışıqlar “problemlərə” görə uzadıldıqdan sonra, iHəmas tərəfindən saxlanılan onlarla girovun və İsrail tərəfindən həbs edilən fələstinlilərin azad edilməsi üçün zəmin hazırlanıb.
Qətərin rəhbərlik etdiyi diplomatik irəliləyiş Qəzzada həftələrdir İsrailin bombardmanlarına məruz qalan 2,3 milyon fələstinliyə, eləcə də müharibəyə səbəb olan HƏMAS-ın hücumu zamanı əsir düşən qohumlarının taleyindən narahat olan İsraildəki ailələrə bir qədər rahatlıq vəd edir. Atəşkəs yerli vaxtla səhər saat 07:00-da başlayıb və ən azı dörd gün davam edəcək. Bu müddət ərzində Həmas təxminən 240 girovdan ən azı 50-ni azad edəcəyinə söz verib. HƏMAS bildirib ki, İsrail də 150 fələstinli məhbusu azad edəcək.
