Xeberlenti.com Tass -a istinadən xəbər verir ki, Rusiya Federal Təhlükəsizlik Xidmətinin (FSB) bəyanatında bildirilir ki, kəşfiyyat orqanları Crocus City Hall-a hücumda bilavasitə əli olan 4 terrorçu daxil olmaqla 11 nəfəri saxlayıb. Terror ortaqlarının müəyyən edilməsi və hücumun bütün şəraitinin müəyyən edilməsi istiqamətində iş aparılır. “Artıq müəyyən edilib ki, terror aktı diqqətlə planlaşdırılıb. Terrorçuların istifadə etdiyi silahlar əvvəlcədən anbara yerləşdirilib”.
Xatırladaq ki, ötən gecə Rusiyanın Moskva vilayətinin Krasnoqorsk şəhərində yerləşən “Crocus City Hall”da insanlara atəş açılıb. Baş vermiş terror aktı nəticəsində ölənlərin sayı 115 nəfərə çatıb.
